ЕЗИМИТ ВИНО

Македонија е земја позиционирана на југот на Европа, многу луѓе ја знаат како земја на сонцето, вечно сонце, дури и како место каде што сонцето свети на поинаков начин. Овде е местото каде се среќаваат медитеранската и континенталната клима проткајана со ветровите карактеристични за овој микро регион кои ги прават овие специјални вина. Овде е местото каде што виното ја започна својата приказна уште пред многу векови. Постојат малку места на земјината топка каде можат да се прават специјални вина со специфичен вкус, кои можат да го освојат светот. Македонија е една од тие.

Може ли да се измери колку сонце и напор е вложено во виното? Одговорот е не. Овде во Езимит Вино, вложуваме постојан, но секогаш мотивирачки напор, кој за нас е неосетлив се со цел да го наточиме во чаша духот и карактерот на ова поднебје. Секоја насмевка после конзумирање на нашите вина е бесценета награда и момент за кој вреди да се работи. Езимит Вино поседува приказна, свој пат и секое шише ја дели пасијата на македонската богата историја и традиција на правење на вино.

Во старите времиња грозјето се сметало за еден од седумте дарови на природата по која била позната светата земја. И Македонија има богата винска традиција која започнува од времето на Филип II и Александар Македонски, кога виното се сметало како секојдневен напиток на кралското семејство. Традицијата продолжува за време на Римската Империја кога Македонија била еден од најважните региони во одгледување на грозјето во Империјата, а во време на христијанството виното влегува во многу црковни церемонии. Низ времето виното имало посебно влијание на културата на сите цивилизации. Од неговиот најран развој виното има посебно место во нашите обичаи, нашите прослави и собири како и во начинот на нашата исхрана. Култивацијата на виното постои низ целиот свет. Постојат многу малку региони на земјата на кои се одгледува добро вино. Македонија е еден од нив. Растот на популарноста на виното се совпаѓа со развитокот на западните цивилизации. Како што трговијата со вино напредувала и се проширувала така напредувал и се развивал и цивилизираниот свет.

Terra Makedonika
Vranec
Vranec Barrique
Syrah
Merlot & Cab. Sauvignon
Plavac
Pinot Grigio
Chardonnay Barrique
Sauvignon Blanc
Viognier
Rosé
Езимит Вино е винарија која ја интегрира традицијата на производство на грозје и вина кои се присутни низ вековите во Македонија од една страна и врвната технологија која Езимит Вино ја поседува. Остатоците од античка винарија во близина на лозовите насади, го покажува присуството на традицијата проткајана до ден денес. Од аспект на видовите на грозје оваа микро клима овозможува подигање и многу добри резултати на следниве видови на грозје – Вранец, Каберне Совињон, Мерло, Сирах, Кратошија, Плавац, Пино Ноар, Шардоне, Ризлинг, Совињон Блан, Мускат, Мускат Фронтињан, Жупљанка.
 
Нашите специјалисти, агрономи посветуваат посебно внимание на лозовите насади во чиста околошка средина во текот на 365 денови од годината. Бербата се одвива исклучибо автоматизирано со сопствен комбајн.
Вината се прават во специјални винификатори, кои се дизајнирани од потребите на винаријата и купувачите. За секој тип на грозје постои разиличен винификаторски процес кој е програмиран. Сите важни хемиски параметри се постојано мониторирани и документирани. Чувањето на виното е во инокс садови.
 
Посебно внимание се посветува на мали серии на високо квалитетни црвени и бели вина. Департментот за барик е присутен уште од 2000-та година, каде се одлежуваат вина со најголем потенцијал. Пенливите вина наскоро ќе бидат дел од асортиманот на Езимит Вино.
Целта на бизнис политиката на компанијата е креирање на стратегиски и партнерски однос со конзументите, кој се резултира со реципрочно чувство на посветеност и лојалност кон Езимит Вино и нивните вина. Реално оваа цел може да биде постигната преку свеста дека Езимит Вино креира вредност за двете целни групи.
 
Во поглед на производството на грозје и вино кое е строго контролирано, ISO 9001:2008 и HACCP се стандарди и принципи на работа повеќе години.
Сопствениците, менаџментот и вработените во Езимит Вино се целосно посветени да ги следат најновите трендови во винопроизводството и нивна имплементација. Езимит Вино се стреми да биде компанија лидер во винската индустрија која ги почитува своите соработници и конзументи како и да биде лидер во производството на квалитетно вино кое ги поврзува вината со секоја поединечна прилика.

Terra Makedonika